Voss, Byggingeniør

Fagansvarleg bygg
Det er ledig 100% fast stilling som fagansvarleg bygg ved bygg- og eigedomsavdelinga. Stillinga er underlagt oppsynsmann bygg. Ved internt opprykk, vert det ledig stilling som tømrar med fagbrev.

Ansvars- og arbeidsområde:
* Vedlikehald, drift og tilsyn med alle kommunale bygningar som skular, barnehagar, administrative bygningar og bustadar
* Formannsoppgåve for byggteknisk personell
* Enkle kontoroppgåver som til dømes fakturakontroll
* Delta i anna førefallande arbeid innan avdelinga

Fagleg kompetanse:
* Teknisk fagskule eller fagbrev som tømrar
* Erfaring som arbeidsleiar er ei føremon, men ikkje eit krav
* Ynskjeleg med sertifikat/godkjenningar innan til dømes stillasbygging, lift og tilhengar for personbil
* Kjennskap til it-verktøy

Det vert lagt vekt på gode samarbeidsevner, serviceinnstilling, fleksibilitet og humør. Det vil verta stilt krav om politiattest.

Vi tilbyr gode vilkår for fagleg utvikling, eit godt tverrfagleg og sosialt miljø, pensjonsordning. Tilsetjing på vanlege kommunale vilkår.

Nærare opplysningar ved oppsynsmann Nils Frode Bolstad, tlf******, epost ****** eller leiar bygg- og eigedom Jon S. Prestegard, tlf******, epost ******.

Voss kommune ynskjer eit større aldersmangfald mellom dei tilsette, og oppmodar difor yngre arbeidstakarar om å søkje. Kommunen har eit personalpolitisk mål om at arbeidsstaben skal gje eit bilete av folkesetnaden generelt, både når det gjeld kjønn og kulturelt mangfald. Kvinner og yngre arbeidstakarar vert difor spesielt oppmoda til å søkje stillinga.

Vi oppmodar søkjar om å nytta elektronisk søknadsskjema. Kopi av attestar og vitnemål må sendast i posten. Alternativt kan søknad med CV og vedlegg sendast Tekniske tenester, boks 145, 5701 VOSS, innan 18.12.10. CV kan verta nytta som utvida søkjarliste.

Voss kommune har om lag 14.000 innbyggjarar med Vossevangen som regionssenter. Voss er ei naturperle med utfordrande, vakker vestlandsnatur. Bygda har eit stort spekter av kultur- og idrettstilbod, med gode høve til rikt og aktivt friluftsliv heile året. Voss er ein god stad å vekse opp med mange sosiale møteplassar. Kommunen er senter for utdanning i regionen og har eit godt utbygd næringsliv. Voss er eit knutepunkt langs stamvegen aust - vest, og har godt togsamband til Bergen og Oslo. Voss kommune er den største arbeidsgjevaren i bygda, med om lag 1250 tilsette.

Tekniske tenester har omlag 100 tilsette og er organisert i 5 underavdelingar; drift, plan/oppmåling/byggesak, bygg/eigedom, næring og brann/redning. Bygg- og eigedomsavdelinga har om lag 48 tilsette, og har ansvar for drift og vedlikehald av alle kommunale bygningar og grøntareal/friområde.

Søknadsfrist: 7.01.2011